Bilva Academy
Bilva Academy
Onlayn kurs
Yozilish
Sun'iy intellekt bilan ishlash — noldan

Noldan ilovagacha

12 ta onlayn darsda o'z saytingizni internetga chiqarasiz va ma'lumot bazasi bilan ishlaydigan ilova qurasiz. Kod yozishni emas — sun'iy intellektga to'g'ri topshiriq berishni o'rganamiz.

12 darshaftada 3 marta, ~4 hafta
Onlaynkechki vaqt, yozuvi qoladi
200 000 so'mbutun kurs uchun
Sertifikatball va loyiha havolasi bilan
Kursga yozilish 12 darsni ko'rish
Kim uchun

Dasturlashni bilmasangiz ham bo'ladi

Kurs aynan kompyuterni endigina tushunadigan odam uchun tuzilgan. Ingliz tili talab qilinmaydi — barcha topshiriqlar o'zbekcha beriladi.

Ishlayotgan odam

O'qituvchi, buxgalter, sotuvchi, marketolog — kasbi muhim emas. Brauzer ocha olsangiz, papka yarata olsangiz yetarli.

Tadbirkor va do'kon egasi

O'z biznesingizga sayt, katalog va ariza tizimini o'zingiz qurasiz — har safar dasturchiga murojaat qilmaysiz.

Talaba va maktab bitiruvchisi

Yangi kasbga birinchi qadam. Kurs oxirida qo'lingizda ko'rsatsa bo'ladigan ishlaydigan loyiha va sertifikat qoladi.

Bitta qat'iy shart: kurs uchun noutbuk yoki kompyuter kerak. Faqat telefon bilan bu kursni o'tib bo'lmaydi — shuning uchun arizada ham shuni so'raymiz.
Nima bilan ishlaymiz

Uchta qurol — hammasi bepul rejada

Kurs davomida qo'shimcha pul talab qilinmaydi: hamma dastur bepul boshlanadi va biz shu chegarada ishlaymiz.

Antigravity

Sun'iy intellekt bilan ishlaydigan ish stoli. Siz o'zbekcha aytasiz — u kodni o'zi yozadi, o'zi tekshiradi va natijani brauzerda ochib ko'rsatadi.

Claude

Topshiriqni tushunadigan «miya»: rejani tuzadi, matnni yozadi, xato chiqsa sababini oddiy tilda tushuntirib beradi.

Firebase

Saytni internetga chiqarish, ma'lumot bazasi va ro'yxatdan o'tish tizimi. Kurs oxirida ilovangiz shu yerda ishlab turadi.

Dastur

12 dars, 4 hafta — har haftada bitta katta qadam

Bitta ham nazariy dars yo'q. Har darsda o'z ekraningizda ishlaydigan natija ko'rasiz va uy vazifasi havola ko'rinishida topshiriladi.

1-haftaQo'rquvni sindirish
1

Vibe coding nima va nega bugun mumkin

Antigravity o'rnatiladi, Google akkaunt ulanadi. Birinchi topshiriq: «menga bir sahifali tashrifnoma yasab ber».

Birinchi kunning o'zida ekranda ishlaydigan sahifa
2

Ish stoli: papka, fayl, agent, orqaga qaytish

Loyiha papkasi nima, fayl qanday saqlanadi, agent o'zgartirganini qanday qabul qilish yoki rad etish. Adashsangiz — ortga qaytish.

Bo'sh papkadan yangi loyiha ocha olasiz
3

Topshiriq berish san'ati — kursning yuragi

Formula: kim uchun + nima kerak + qanday ko'rinsin + namuna + chegara. Skrinshot biriktirish, xatoni nusxalab tuzattirish.

25 ta tayyor o'zbekcha topshiriq kartochkasi
2-haftaInternetda ko'rinish
4

Birinchi sayt va uni internetga chiqarish

Bir sahifali sayt: bosh ekran, xizmatlar, narx, aloqa. Rang va shrift tanlash. So'ng sayt internetga chiqariladi.

Telefonda ochiladigan o'z havolangiz
5

Ko'p sahifa, menyu va telefonga moslash

Sahifalar orasida o'tish, yuqori menyu, telefon ko'rinishi. Agentdan ekranni o'zi ko'rib tuzatishini so'rash.

4 sahifali, telefonda ham chiroyli sayt
6

Rasm, forma va Telegram tugmasi

Rasm qo'yish va uni yengil qilish, «Bog'lanish» formasi, telefon va Telegramga to'g'ridan-to'g'ri tugma, sayt nomi va favicon.

Real biznesga ko'rsatsa bo'ladigan sayt
3-haftaJonli ilova
7

Ma'lumot bazasi: forma to'ldirildi — yozuv saqlandi

Firebase loyihasi ulanadi. Ariza formasi bazaga yozadi va siz yozuvni o'z ko'zingiz bilan ko'rasiz.

Arizalar to'planadigan ishlaydigan sayt
8

Ro'yxatdan o'tish va kirish

Email va parol bilan ro'yxatdan o'tish, Google bilan kirish, chiqish. «Faqat kirgan odam ko'radigan» sahifa.

Shaxsiy kabineti bor sayt
9

Admin paneli va xavfsizlik

Arizalar ro'yxati, qidiruv, o'chirish, Excel'ga chiqarish. «Kim nimani ko'ra oladi» qoidalari va maxfiy kalitlarni saqlash.

To'liq ilova: foydalanuvchi va boshqaruv tomoni
4-haftaO'z loyihangiz
10

O'z loyihangni tanla va rejasini tuz

5 tayyor yo'nalish: do'kon katalogi, o'quv markazi sayti, arizalar tizimi, portfolio, tadbir taklifnomasi. Reja sun'iy intellekt bilan tuziladi.

Yozma reja va boshlangan loyiha
11

Xatolar bilan kurash va sayqal

Agent aylanib qolganda nima qilish, «ishlamayapti» deyish o'rniga aniq gapirish, nusxa saqlash, tezlik va telefonda test.

Tiqilib qolganda o'zingiz chiqib keta olasiz
12

Demo day va bundan keyin nima qilish

Har kim o'z ilovasini ko'rsatadi. So'ng: kichik biznesga sayt qilish, narxni qanday belgilash, birinchi mijozni qanday topish.

Sertifikat va yakuniy ball
Har bir dars

90 daqiqa — tartib har darsda bir xil

Boshlovchi uchun eng muhim narsa shu: keyingi qadam nima bo'lishini oldindan bilasiz va qo'rqmaysiz.

0–10 daqKo'rsatish O'tgan darsning eng yaxshi ishlari ekranda
10–25 daqBitta yangi tushuncha Faqat bitta. Oddiy til, hayotiy misol
25–70 daqBirga quramiz Ustoz ekranini ulashadi, hamma bir vaqtda takrorlaydi
70–85 daqO'zingiz qilasiz Tiqilgan odam ekranini ulashadi, ustoz yordam beradi
85–90 daqUy vazifasi Aniq topshiriq va muddat

Har dars yoziladi

Kelolmasangiz yozuvini ko'rasiz. Lekin uy vazifasi baribir topshiriladi — ball shundan yig'iladi.

Haftada 1 amaliyot xonasi

60 daqiqa savol-javob. Ortda qolgan quvib yetadi, oldinda ketgan o'z loyihasi ustida ishlaydi.

Juftlik tizimi

Har o'quvchiga juft biriktiriladi: dars orasida bir-biringizga yordam berasiz. Yolg'iz qolib ketmaysiz.

Kursdan keyin

Qo'lingizda qoladigan uch narsa

Ishlaydigan havola

O'z saytingiz internetda turadi va istalgan telefonda ochiladi.

Jonli ilova

Ro'yxatdan o'tish, ma'lumot saqlash va admin paneli bilan.

Usul

Yangi g'oyani mustaqil qura olish tartibi — kurs tugagach ham qoladi.

Sertifikat — kursni tugatgan har bir o'quvchiga beriladi. Unda umumiy ballingiz va yakuniy loyihangiz havolasi yoziladi, ya'ni uni mijoz oldida ko'rsatsa bo'ladi.
Halol gap

Nimani va'da qilmaymiz

«1 oyda dasturchi bo'lasiz» — demaymiz

Bu kurs mahsulot qurishni o'rgatadi. Kompaniyaga dasturchi bo'lib kirish uchun bundan uzoqroq yo'l kerak.

Ishga joylashtirishni va'da qilmaymiz

Lekin kursda o'rganganingiz bilan kichik biznesga sayt qila olasiz — bunday ish bozorda 800 000 so'mdan boshlanadi.

Eng yaxshi 5 o'quvchiga taklif

Kurs oxirida ball bo'yicha eng yaxshi 5 kishiga bizning loyihamizda to'lovsiz birga ishlash taklif qilinadi. Loyiha o'sib daromad kelganda ular xodim sifatida qoladi. Muddat va shartlar oldindan yozma aytiladi.

Narx

Bitta to'lov, yashirin xarajatsiz

200 000 so'mbutun kurs uchun — 12 dars
  • 12 ta jonli onlayn dars (90 daqiqadan)
  • Har darsning yozuvi — kelolmasangiz ham ko'rasiz
  • Uy vazifalari tekshiriladi va ball qo'yiladi
  • Haftada bir marta qo'shimcha amaliyot xonasi
  • 25 ta tayyor o'zbekcha topshiriq kartochkasi
  • Sertifikat va yakuniy loyiha havolasi
To'lov — tez kunda

Hozircha to'lov saytda emas

Onlayn to'lov (karta orqali) tez kunda shu sahifada ishga tushadi. Hozircha tartib oddiy: siz pastdagi formani to'ldirasiz, biz bog'lanamiz va to'lov usulini aytamiz. To'lov guruh boshlanishidan oldin qilinadi.

Ariza qoldirish hech narsaga majbur qilmaydi va pul so'ramaydi. Avval biz siz bilan gaplashamiz.
Yozilish

Arizani qoldiring — biz o'zimiz bog'lanamiz

Telefon raqamingiz faqat shu ariza uchun ishlatiladi va hech qayerga berilmaydi.

Savol-javob

Ko'p so'raladigan savollar

Dasturlashni umuman bilmayman, bo'ladimi?

Ha. Kurs aynan shunday odamlar uchun tuzilgan — birinchi darsdayoq ekraningizda ishlaydigan sahifa bo'ladi.

Ingliz tili kerakmi?

Yo'q. Barcha topshiriqlar o'zbekcha beriladi, 25 ta tayyor topshiriq kartochkasini nusxalab ishlatasiz.

Telefonda o'qish mumkinmi?

Yo'q. Noutbuk yoki kompyuter shart — dasturlar faqat unda ishlaydi.

Dars vaqti qachon?

Kechqurun, haftada 3 marta. Aniq kunlar guruh to'lgach, qatnashuvchilar bilan kelishiladi.

Darsga kelolmasam nima bo'ladi?

Har dars yoziladi va yopiq kanalga tashlanadi. Uy vazifasini yozuvni ko'rib ham topshirishingiz mumkin.

Qo'shimcha xarajat bormi?

Yo'q. Ishlatadigan dasturlarimiz bepul rejada boshlanadi va biz shu chegarada ishlaymiz.

Pul qaytariladimi?

Kurs boshlangandan keyin qaytarilmaydi. Shuning uchun avval bepul ochiq darsga qatnashib ko'rishni tavsiya qilamiz.